ორგანიზაციული სტრუქტურა
« წინა სტატიები მომდევნო სტატიები »ერთხელ, ერთ-ერთ ბანკში განხორციელებული სტრუქტურული ცვლილებების შესახებ
21 იანვარი, 2013 | 0 კომენტარი »
თორმეტი წლის წინათ ერთ-ერთ ბანკში სტრუქტურის ცვლილების პროცესში მოგვიწია მონაწილეობის მიღებამ. დღეს, როდესაც ამ ცვლილებების განხორციელების შემდეგ ბევრი დრო გავიდა, და აღნიშნული ბანკიც რადიკალურად განსხვავებული სტრუქტურით მუშაობს, გვინდა თავს უფლება მივცეთ და მოგითხრობთ ამ ცვლილებების შესახებ. იმედი გვაქვს, ეს ისტორია წასაკითხად საინტერესო და სასარგებლო იქნება ყველასთვის, ვისაც სტრატეგიული მართვის საკითხები აინტერესებს.
წარმატებული სკოლის ორგანიზაციული სტრუქტურა
18 იანვარი, 2013 | 1 კომენტარი »
სკოლის მიზანია, აღმოაჩინოს მათემატიკური ნიჭით გამორჩეული ბავშვები
საქართველოს მასშტაბით და მისცეს მაღალი ხარისხის
პროფილური განათლების მიღების შესაძლებლობა
კომაროვის სახელობის 199-ე სკოლა
——————————————————
რა თქმა უნდა, თითოეულ სკოლას შესაძლოა სრულიად განსხვავებული სტრუქტურა გააჩნდეს, გამომდინარე მისი პრიორიტეტებისგან, მაგრამ ჩვენ გვინდა მოგიყვეთ კომაროვის სახელობის სკოლის სტრუქტურის შესახებ, რომლის დიზაინშიც ვიყავით ჩართულები და რომლის პრიორიტეტები არის, აღმოაჩინოს და მოიზიდოს საუკეთესო მოსწავლეები საქართველოს მასშტაბით, აღზარდოს ღირსეულ და სათანადო ფასეულობების მქონე პიროვნებები და მისცეს მათ საერთაშორისო სტანდარტების შესაბამისი განათლება. სტატია სრულად »
კონტროლის ფუნქციის დეცენტრალიზაცია
10 იანვარი, 2013 | 0 კომენტარი »
როგორც მედალს, ასევე კონტროლის ფუნქციას ორი მხარე აქვს. ერთი მხრივ მას შეუძლია ორგანიზაცია ეფექტიანობაზე მიმართული გახადოს და მეორე მხრივ კი ერთ შიშის მანქანად იქცეს, რომელიც თანამშრომელთა გამოჭერასა და შეცდომების აღმოჩენაზე იქნება ორიენტირებული. კონტროლის ეს ორი ტიპი ერთმანეთისგან, ყველაზე მეტად, რითაც განსხვავდება საბოლოო შედეგია. იქ, სადაც კონტროლი არა დასჯის, არამედ დამხმარე საშუალებაა თანამშრომლები გადაცდომების, ხარვეზების დამალვაზე მოტივირებულნი მინიმალურად არიან, პირიქით აქ გახსნილობა შენიშვნებისადმი, გამოსწორებისადმი და კარგი შედეგის მიღწევისადმი გამორჩეულია. ხოლო იქ სადაც კონტროლის ფუნქცია არა შეცდომების მინიმიზაციაზე არამედ მაქსიმალურად ბევრი გადაცდომის აღმოჩენაზეა მიმართული იქ თანამშრომლები ფროდებისადმი უფრო მიდრეკილნი ხდებიან როგორც წესი, თავად მაკონტროლებლებიც ბევრად სუბიექტურნი არიან შეფასებებისას.
როდის უნდა გადავხედოთ ორგანიზაციულ სტრუქტურას
8 იანვარი, 2013 | 0 კომენტარი »
ნებისმიერი ორგანიზაციის სტრუქტურას როდესღაც დასჭირდება მნიშვნელოვანი ცვლილება. გარემო და პრიორიტეტები იცვლება, იცვლება მუშაობის მეთოდები და ტექნოლოგიები, იზრდებიან ადამიანები ორგანიზაციაში, მათში მართვის უნარები წლიდან წლამდე უმჯობესდება. ეს ყველაფერი ორგანიზაციულ სტრუქტურებშიც შესაბამისი ცვლილებების განხორციელების საჭიროებას აჩენს.
გვსურს ამ სტატიაში იმ სიმპტომებზე მოგიყვეთ, რომლებიც სტრუქტურის არსებითი გადახედვის საჭიროებაზე მიგვითითებს. თუ ქვემოთ ჩამოთვლილი შვიდი მიზეზიდან თუნდაც სამი მკვეთრად გამოხატული გარემოება გვაქვს სახეზე, ეს უკვე საკმარისია იმისათვის, რომ სტრუქტურაში მნიშვნელოვან ცვლილებებზე დავიწყოთ ფიქრი.
როდესაც ორგანიზაციაში ახალი სტრუქტურული ერთეულის ჩამოყალიბებაა საჭირო
28 დეკემბერი, 2012 | 0 კომენტარი »
თუ ორგანიზაციას სურს წარმატებით შექმნას ახალი დივიზიონი ან განყოფილება ან მიმართულება (სრულიად ახალი ან სხვა ერთეულების შერწყმით), საჭიროა კონცეფციის ჩამოყალიბების რამდენიმე ეტაპი გაიაროს. ამ პროცესზე გვსურს მოგითხროთ სტატიაში, ვინაიდან სწორი პროცესი და მასზე დახარჯული სათანადო ძალისხმევა უზრუნველყოფს, რომ ერთეულმა ეფექტურად დაიწყოს მუშაობა, არ ხარჯოს დრო ექსპერიმენტებზე და რამდენიმე წელი მოანდომოს გამართვას. სტატია სრულად »
7 ნაბიჯი სწორი ორგანიზაციული სტრუქტურის გასაკეთებლად
17 დეკემბერი, 2012 | 1 კომენტარი »
სტრუქტურამ, თუ ის სწორად არის გაკეთებული, ორგანიზაციის წინაშე მდგარი ყველაზე მნიშვნელოვანი ამოცანების გადაწყვეტას, მთავარი პროცესების გამართულ დინებას და მასში მომუშავე ადამიანების შესაძლებლობების მაქსიმალურ გამოყენებას უნდა შეუწყოს ხელი. იმისათვის, რომ მან სწორად იმუშავოს, აუცილებელია კარგად გავიაზროთ როგორც პრიორიტეტები, ისე მთავარი პროცესები და იმ ადამიანების შესაძლებლობები, რომლებიც ჩვენს ორგანიზაციაში მუშაობენ, განსაკუთრებით კი მათი ვინც, მის მართვაში იღებენ მონაწილეობას.
ჰოლდინგის მართვის ეფექტური მოდელი
12 დეკემბერი, 2012 | 0 კომენტარი »
ამ სტატიაში ის გამოცდილება გვინდა გადმოგცეთ, რომელიც ჰოლდინგურ კომპანიებთან მუშაობის შედეგად დაგვიგროვდა. კერძოდ ის, თუ როგორი უნდა იყოს მართვის მოდელი, რა უმთავრეს საკითხებს უნდა ითვალისწინებდეს, რომ ჰოლდინგი ეფექტურად იმართებოდეს.
სტატიაში აქცენტი გვინდა გავაკეთოთ როგორ უნდა იყოს მოწყობილი ჰოლდგინგის მართვის აპარატი, კონკრეტულად რა ამოცანები უნდა იდგას ამ აპარატის წინაშე და რა იგულისხმება თითოეული ამოცანის უკან.
სტრუქტურის როლი ორგანიზაციის მართვაში
10 დეკემბერი, 2012 | 2 კომენტარი »
რაც უფრო სწორად არის გაკეთებული სტრუქტურა მით უფრო დიდ ხანს შეუძლია იმუშაოს მასში არსებითი ცვლილებების შეტანის გარეშე. სწორად გაკეთებულ სტრუქტურაში ადამიანები იცვლებიან ისე, რომ თვით ამ სტრუქტურებში მნიშვნელოვანი ცვლილებები არ ხდება. ასეთი სტრუქტურები ორგანიზაციის დანიშნულების ღრმა გააზრების და მთავარი პროცესების სწორად დამუშავების შედეგად იქმნება. ისინი თვითონ მართავენ ადამიანებს და არა პირიქით, ადამიანები მართავენ მათ. ასეთი სტრუქტურები ეხმარებიან ორგანიზაციას: 1. განახორციელოს სტრატეგია; 2. ეფექტიანად მართოს მიმდინარე პროცესები და, რაც მთავარია, 3. უკეთ გამოიყენოს მასში მომუშავე ადამიანების შესაძლებლობები. ეს არის ის სამი ამოცანა, რომელსაც სწორად გაკეთებული ორგანიზაციული სტრუქტურა უნდა ემსახურებოდეს.
ორგანიზაციული სტრუქტურის ევოლუცია, რატომ და როგორ ხდება და როგორ უმჯობესია ხდებოდეს
3 დეკემბერი, 2012 | 1 კომენტარი »
ორგანიზაციული სტრუქტურის განვითარება უწყვეტი პროცესია. ის თითქმის ნებისმიერ ორგანიზაციაში, სხვადასხვა დონეზე, სხვადასხვა მასშტაბით გამუდმებით მიმდინარეობს. ეს, რა თქმა უნდა, ასეც უნდა იყოს. თუმცა ის მოტივები, რის გამოც ცვლილებების ინიცირება ხდება, ან ის გზები, რომლითაც ამას მენეჯმენტი აკეთებს, ხშირად უფრო აზიანებს ორგანიზაციას, ვიდრე აუმჯობესებს და სიცოცხლისუნარიანს ხდის მას. რატომ და როგორ ხდება სტრუქტურების ევოლუცია ჩვენთან და როგორ უმჯობესია ხდებოდეს, გადავწყვიტეთ, ამ თემას მივუძღვნათ ეს სტატია.
რატომ არის შეცდომა ორგანიზაციაში მარკეტინგის მენეჯერის პოზიციის ან დეპარტამენტის არსებობა
28 ნოემბერი, 2012 | 0 კომენტარი »
მარკეტინგი – ეს არის ორგანიზაციის ერთ-ერთი უმნიშვნელოვანესი ფუნქცია, რომელიც მთლიანად კომპანიის მასშტაბით უნდა ხორციელდებოდეს და არაფრით არ შეიძლება მისი მოქცევა ერთ სამსახურში და მითუმეტეს ერთ პოზიციაში. თუმცა, საკმაოდ გავრცელებულია მარკეტინგის ამოცანის გადაწყვეტის ზემოთ აღნიშნული მიდგომა, რითაც ძალიან კნინდება მარკეტინგის როლი და მნიშვნელობა. სტატია სრულად »
თანამშრომელზე უკუგების მაჩვენებელი
26 ნოემბერი, 2012 | 0 კომენტარი »
ერთ თანამშრომელზე მიღებული მოგების მაჩვენებელი მართვის სულ უფრო მნიშვნელოვანი პარამეტრი ხდება. ხელმძღვანელები ხვდებიან, რომ კაპიტალის უკუგების თუ აქტივების უკუგების ზრდის ამოცანაზე არანაკლებ საგულისხმო, თუ მეტად არა, სწორედ თანამშრომელზე უკუგების გაუმჯობესების ამოცანაა. ისინი განსაკუთრებულად აქცევენ ყურადღებას ამ მაჩვენებელს, ადარებენ მას კონკურენტებისას, აანალიზებენ მასზე ზემოქმედ ფაქტორებს და ცდილობენ იპოვონ გზები მის გასაუმჯობესებლად.
გაყიდვების სტიმულირების მენეჯერი და მისი ნამდვილი როლი
21 ნოემბერი, 2012 | 0 კომენტარი »
გაყიდვების სტიმულირება ძალიან მნიშვნელოვანი ამოცანაა ნებისმიერი ორგანიზაციისათვის. გაყიდვების სტიმულირების მენეჯერი არის ის, ვინც პოტენციურ მყიდველებს აწვდის პროდუქციასა და მომსახურებაზე ინფორმაციას. შესაბამისად, მასზეა დიდად დამოკიდებული, როგორ აღიქვამენ მომხმარებლები კომპანიის პროდუქციას, ხედავენ თუ არა მის ღირებულებას და უპირატესობებს, უჩნდებათ თუ არა მისი შეძენის სურვილი და ანიჭებენ თუ არა უპირატესობას კონკურენტებთან შედარებით.
სტრუქტურის განსხვავებული განზომილება
19 ნოემბერი, 2012 | 0 კომენტარი »
ყველასათვის ცნობილია, რომ სამსახურის შიგნით ბევრად უფრო ადვილია კოორდინაცია, ვიდრე სხვადასხვა სამსახურებს შორის. ერთ ხელმძღვანელს დაქვემდებარებული სამსახურები კი უფრო ადვილად ურთიერთობენ ერთმანეთთან, ვიდრე განსხვავებულ დივიზიონებში შემავალი ქვედანაყოფები. არადა მათ შორისაც ხშირად ძალიან მნიშვნელოვანია, რომ კოორდინაციის ხარისხი მაღალი იყოს. თანამედროვე სტრუქტურები სხვადასხვა დაქვემდებარებაში არსებულ ქვედანაყოფებს შორის კოორდინაციის პრობლემას სტრუქტურის ახალი, განსხვავებული განზომილების შექმნით ახერხებენ.
მენეჯმენტის ყურადღების განაწილება
5 ნოემბერი, 2012 | 0 კომენტარი »
მენეჯმენტის ყურადღება ლიმიტირებული რესურსია. რაც უფრო მეტ ყურადღებას უთმობს მენეჯმენტი ერთ საკითხს, მით უფრო ნაკლებად აქცევს ყურადღებას სხვებს. შესაბამისად, ის, თუ რა საკითხებზე იხარჯება ყოველდღიურ მუშაობაში ეს ყურადღება, რაზე ფიქრობენ, ვისთან მუშაობენ უფრო მეტს, რაზე მსჯელობენ ისინი ყოველდღიურად შეხვედრებისას სწორედ ამაზე არის დიდად დამოკიდებული ორგანიზაციის წარმატება.
რა გავაკეთოთ იმისათვის, რომ მენეჯმენტის ყოველდღიური ძალისხმევა, დრო და ყურადღება ისეთ საკითხებზე იყოს მიმართული და იმ დოზით, რომელიც ყველაზე არსებითია ორგანიზაციის წარმატებისთვის?
გუნდური მართვის პრინციპი
24 ივლისი, 2012 | 1 კომენტარი »
გუნდური მართვის პრინციპი შეიძლება ვუწოდოთ მართვის ისეთ სქემას, რომელშიც ტოპ – მენეჯმენტის გუნდის წევრები, პირველ რიგში, ტოპ – მენეჯმენტის გუნდის წევრები არიან, ხოლო ამის შემდეგ კონკრეტული მიმართულებების კურატორები. ანუ, როდესაც ნებისმიერი მათგანის მიერ გაცემული დავალება მენეჯმენტის გუნდის დავალებად აღიქმება, ხოლო შესრულების ვალდებულება აქვს ნებისმიერ ქვედანაყოფს, რომელი მათგანის ფორმალურ დაქვემდებარებაშიც არ უნდა იყოს ის.
ცოცხალი ორგანიზაციული სტრუქტურა
16 ივლისი, 2012 | 0 კომენტარი »
ცოცხალ ორგანიზაციულ სტრუქტურას ორგანიზაციული მოწყობის ისეთ სისტემას უწოდებენ, რომელიც, ხელმძღვანელის მინიმალური მიმდინარე ჩართულობის შემთხვევაშიც, მაქსიმალური შედეგის მიღწევის შესაძლებლობას იძლევა. რატომ არის ასეთი სტრუქტურა კარგი, როგორი უნდა იყოს ის და რა უნდა გავაკეთოთ იმისათვის, რომ ასეთი სტრუქტურა შევქმნათ, აგრეთვე ის, თუ რა როლი აქვს პირველ პირს ასეთი ორგანიზაციული მოწყობის პირობებში, ქვემოთ გვინდა მოგიყვეთ.
ხარისხზე ორიენტირებული ორგანიზაციული სტრუქტურა
2 ივლისი, 2012 | 0 კომენტარი »
მომსახურების თუ პროდუქტის სტაბილურად მაღალი ხარისხი ბევრი ორგანიზაციისათვის არის უმთავრესი პრიორიტეტი. ისინი ფიქრობენ, რომ სწორედ ხარისხი განსაზღვრავს კლიენტების კმაყოფილების დონეს, ლოიალურობას ბრენდის მიმართ და, ზოგადად, ბიზნესის ღირებულების ზრდის მთავარ საფუძველსაც წარმოადგენს. რამდენად ყველა შემთხვევაშია ეს ასე, ძნელი სათქმელია, მაგრამ მათ, ვისთვისაც მომსახურების თუ პროდუქტის ხარისხს მართლაც გადამწყვეტი მნიშვნელობა აქვს, ძალიან სასურველია, პირველ რიგში, სწორედ ხარისხზე ორიენტირებული ორგანიზაციული სტრუქტურა ჰქონდეთ.
კარგად დაწერილი დებულებები
27 ივნისი, 2012 | 0 კომენტარი »
ტოპმენეჯმენტთან შეხვედრის დასასრულს, რომელიც ჩვენს ორგანიზაციაში სტრუქტურულ ცვლილებებს ეხებოდა, ხელმძღვანელმა დარჩენა მთხოვა და ერთი დავალება მომცა: ზუსტად ერთ თვეში მენეჯმენტის გაერთიანებულ შეხვედრაზე უნდა ჩამებარებინა მთელი ორგანიზაციის მასშტაბით უკლებლივ ყველა სამსახურის (რომელიც დაახლ. 50–მდე იყო) დებულება. ამასთან ამოცანა მკაფიოდ დამისვა:
- დებულებების შინაარსი მაქსიმალურად შესაბამისი ყოფილიყო სამსახურების რეალურ და დაგეგმილ საქმიანობასთან;
- დებულებების შინაარსი მაქსიმალურად გაზიარებული და გათავისებული ყოფილიყო მასზე პასუხისმგებელი მხარეების მიერ;
- დებულებებში ჩაგვედო ამ სამსახურის შეფასების კრიტერიუმებიც.
მართვა თათბირებით
18 ივნისი, 2012 | 0 კომენტარი »
სკოლაში სწავლისას, მაშინ, როდესაც ჯერ კიდევ სკოლიდან სახლში დამოუკიდებლად წასვლის უფლება არ მქონდა, ხშირად მიწევდა მშობლებთან სამსახურში გადასვლა და დალოდება სახლში რომ ერთად დავბრუნებულიყავით. სკოლას და რედაქციას, სადაც ჩემი მშობლები მუშაობდნენ, ერთი ღობე ყოფდა და ამიტომ მეორე სმენის ბოლო გაკვეთილის შემდეგ მათთან უნდა გადავსულიყავი და წესით მხოლოდ ერთი საათი მომეცადა, სანამ სამუშაო საათები დასრულდებოდა. მაგრამ, ჩემდა სამწუხაროდ, ძალიან ხშირად ეს ესე არ ხდებოდა. მშობლებს გაუთავებელ თათბირებზე უწევდათ ჯდომა, მე კი მათგან ერთ-ერთის ოთახში ლოდინით, ძველი გაზეთების ან მომავალი გამოშვების მასალების კითხვით ან სულაც დერეფანში სირბილით გამყავდა დრო. თათბირები ჩემს მეხსიერებას ამ გარემოების გამო საკმაოდ უარყოფით კონტექსტში შემორჩა.
მაგრამ, ორგანიზაციული განვითარების საკითხებზე წლების განმავლობაში მუშაობამ ნათლად დამანახა, თუ რამხელა ძალა და მნიშვნელობა აქვს თათბირებს ორგანიზაციის მართვისთვის თუ მას სწორი თემატიკით, სწორი შემადგენლობით, სწორი რეგულარობით, კარგად ორგანიზებულად ვმართავთ და მისი შედეგების ანალიზს და შეფასებასაც მუდმივად ვაკეთებთ.
საუკეთესო ქვედანაყოფი
15 ივნისი, 2012 | 0 კომენტარი »
ვისაც გამოგვიცდია, ალბათ, ყველას კარგად გვახსოვს ის დღე, როცა სტრუქტურული ერთეულის ხელმძღვანელად დავინიშნეთ. ეს იმ მომენტების ერთობლიობაა, როცა განსაკუთრებულად გვჯერა საკუთარი ძალების და გარშემომყოფების, როცა მოტივაცია აღემატება ჩვენს შესაძლებლობებს, როცა მოლოდინები აჭარბებს რეალისტურ შედეგებს, როცა მთელი არსებით 24 საათის განმავლობაში ვფიქრობთ, ვცდილობთ, ვაკეთებთ იმას, რასაც შეუძლია ჩვენს ხელთ არსებული ქვედანაყოფი გახადოს საუკეთესო. სტატია სრულად »