არქივი: 2018
« წინა სტატიებიპროფესია HR
21 სექტემბერი, 2018 | 0 კომენტარი »
ნაწილი VS მთელი
საზოგადოებაში დამკვიდრებულ ნორმებსა და ყოფით სიდუხჭირეებს დაპირისპირებული ინდივიდების ისტორიებით პროფესია „ჰრ“ მხატვრულ ლიტერატურას გავს. რეალურადაც ყველა თანამშრომელს ორგანიზაციულ კედლებში მომწყვდეული თავისი უნიკალური „ნოველა“ აქვს განცდილი. დღესდღეობით ადამიანური რესურსების მენეჯმენტზე უამრავი ბეჭდური და ვიდეო ლიტერატურაა ხელმისაწვდომი, თანამედროვე და აპრობირებული სისტემების, მეთოდების, ტექნიკების შთამბეჭდავი და დეტალური განმარტებებით, თუმცა ძალიან იშვიათად და თითქმის არსად წერენ ემოციებზე. სტატია სრულად »
ქართული ხილის ექსპორტის პერსპექტივა და ჩვენი მონაწილეობა ამ ამოცანაში
10 სექტემბერი, 2018 | 0 კომენტარი »
ჩირი და ჩიპსი საუკეთესო ფორმაა ქართული ხილის ექსპორტზე გასატანად. ამ სახით ის საუკეთესოდ ინარჩუნებს მის ყველა თვისებას და შენახვადი და ტრანსპორტირებადი ხდება. და თუ გავითვალისწინებთ, რომ ჩვენს ხილზე ყველა ამბობს მისი არა მიმზიდველი ვიზუალური ფორმის მიუხედავად გემრიელია და სასარგებლო, ჩირისთვის და ჩიპსისთვის ზუსტადაც რომ ხილის ვიზუალურ სახეს არ აქვს არანაირი მნიშვნელობა. მთავარია მისი გემო და სიჯანსაღე მივიტანოთ რაც შეიძლება მეტ ადამიანამდე მსოფლიოს მასშტაბით.
სოფლის მეურნეობა საქართველოსთვის ერთ-ერთი უმთავრესი დარგია, მეხილეობა კი მისი უდიდესი მიმართულება, ჩირი და ჩიპსი ხილის გადამუშავების და ტრანსპორტირების ყველაზე მოსახერხებელი ფორმაა და ჩვენც, სინერჯის კაპიტალის პარტნიორებმა, ამ ბიზნესში შესვლა გადავწყვიტეთ. სტატია სრულად »
სინერჯის კაპიტალის პარტნიორების საინვესტიციო პოლიტიკა (მოკლედ)
20 აგვისტო, 2018 | 0 კომენტარი »
ისტორია მეორე, სტატია მეათე, სინერჯის კაპიტალის პარტნიორების ქეისის გაგრძელება.
წინა სტატიის სანახავად ეწვიეთ ბმულს.
ჩვენი პოტენციური აქციონერები მუდმივად გვეკითხებიან, როგორია ჩვენი საინვესტიციო პოლიტიკა, რაში არ ვაკეთებთ ინვესტიციებს, რომელი დარგებია ჩვენთვის ყველაზე მეტად პრიორიტეტული, როგორი ორგანიზაციები გვაინტერესებს განსაკუთრებით, რა ზომის, რა მოცულობისაა ძირითადად ჩვენი კაპიტალით უზრუნველყოფილი (კონვერტირებადი) სესხები, რა მოცულობის კაპიტალით ვამჯობინებთ ორგანიზაციის რა წილში შესვლას. ამ სტატიაში, სწორედ ამ საკითხებს გვინდა მოკლედ შევეხოთ. სტატია სრულად »
როგორ ხვდებიან უდიდესი კომპანიების სიაში
13 აგვისტო, 2018 | 0 კომენტარი »
ისტორია მეორე, სტატია მეცხრე: სინერჯის კაპიტალის პარტნიორები – როგორ ხვდებიან ჩვენი პორტფელის კლიენტები უდიდესი კომპანიების სიაში
წინა სტატიის სანახავად ეწვიეთ ბმულს.
სინერჯის კაპიტალის პარტნიორების მიზანია 2025 წელს ყველაზე დიდი 100 კომპანიის სიაში მინიმუმ 20% ჩვენი პორტფელის კომპანიები იყვნენ და მათი რაოდენობა ყოველ წელს მინიმუმ 2-3-ით მაინც აუცილებლად იზრდებოდეს. რთული მიზანია, მაგრამ საინტერესო და მის მიღწევასაც რა თქმა უნდა ძალიან ოპტიმისტურად ვუყურებთ. და აი რატომ:
სინერჯი ჯგუფის კლიენტების უდიდეს ნაწილს (მათი რაოდენობა რამდენიმე ათეულია) ისეთი კომპანიები შეადგენენ, ვისთანაც მუშაობა მაშინ დავიწყეთ, როდესაც მათ ან ძალიან ცოტა თუ იცნობდა ან ბევრი ვერ იფიქრებდა რამდენად დიდი იქნებოდა მათი წარმატება. დღეს თითქმის ყველა მათგანი ქვეყნის უდიდესი კომპანიების სიაშია და ყოველდღიურად აგრძელებენ ზრდას. სტატია სრულად »
ათი რჩევა ზარალიანი კომპანიების ხელმძღვანელებს
30 ივლისი, 2018 | 0 კომენტარი »
მიუხედავად იმისა, რომ კომპანიის ზარალიანობა არაფრით უფრო მეტი პრობლემა არ არის, ვიდრე მაგალითად თანამშრომლების უკმაყოფილება ან უიმედობა, ან ნაკლები ლოიალურობა ორგანიზაციის მიმართ, ჩვენთან და ალბათ არამარტო, მას ძალიან დიდ პრობლემად აღიქვამენ და დიდ მნიშვნელობას და ყურადღებას აქცევენ. განსაკუთრებით კი დამფუძნებლები, კრედიტორები, მომწოდებლები, ინვესტორები და ყველა სხვა პარტნიორი, ვინც ზარალის შესახებ იგებს.
გვინდა სინერჯის გამოცდილებაზე დაყრდნობით რამდენიმე ისეთ საკითხზე მივმართოთ თქვენი ყურადღება და თავს უფლება მივცეთ, რამდენიმე რჩევა გითხრათ, რომელიც ამ რთული, მაგრამ მაინც ერთ-ერთი მმართველობითი პრობლემის გადაწყვეტაში დაგეხმარებათ. სტატია სრულად »
პორტფელის გაფართოების პროცესი ანუ როგორ შევდივართ ახალ ორგანიზაციებში
23 ივლისი, 2018 | 0 კომენტარი »
ისტორია მეორე, სტატია მერვე: სინერჯის კაპიტალის პარტნიორები – ახალ ორგანიზაციებში შესვლის მიდგომა.
წინა სტატიის სანახავად ეწვიეთ ბმულს.
ყველა ორგანიზაციისთვის არსებობს რამდენიმე მთავარი პროცესი, რომლის სწორად გამართვა და მერე მუდმივად დახვეწა-განვითარება მისი წარმატების აუცილებელი პირობაა. რამდენად არის ამ პროცესებში გამოყენებული საინტერესო მიდგომები, რამდენად იძლევა ეს პროცესები იდეების და ინიციატივების ფართოდ, სისტემურად მოგროვების შესაძლებლობას, რამდენად ეხმარება გადაწყვეტილებების დროულად და კომპეტენტურად მიღებას, ამაზე ორგანიზაციის წარმატების ძალიან დიდი ნაწილია დამოკიდებული. სტატია სრულად »
უნიკალური რაღაც მოხდა – ნახეთ რამდენი რამ შეიძლება შეიცვალოს ამ ერთი ფაქტის გამო
16 ივლისი, 2018 | 0 კომენტარი »
სინერჯის კაპიტალის პარტნიორების და სახალხო აფთიაქის მართვის ქეისების გაგრძელება: გამოსყიდვის პირველი ოპერაცია და მოსალოდნელი შედეგები.
წინა სტატიების სანახავად ეწვიეთ ბმულებს: ისტორია პირველი; ისტორია მეორე.
გასულ კვირას უნიკალური რაღაც მოხდა – “სინერჯის კაპიტალის პარტნიორების” ანგარიშზე რამდენიმე, ერთმანეთისთვის სრულიად უცხო ადამიანმა, საკმაოდ სოლიდური (7-ნიშნა) თანხა შეიტანეს, რომ ეყიდათ წილები მის მიერვე დაფუძნებულ შპს-ში, “სახალხო აფთიაქის განვითარების ფონდში”. ეს იმ მოტივით, რომ შემდგომ უკვე ამ ორგანიზაციის მეშვეობით (არსებულ მესაკუთრეებთან წინასწარ გაფორმებული მემორანდუმის საფუძველზე) გამოესყიდათ “სახალხო აფთიაქის” 50%. სტატია სრულად »
რატომ არის ყველაზე მეტად მომგებიანი ზარალიანი კომპანიების ყიდვა
9 ივლისი, 2018 | 0 კომენტარი »
ისტორია მეორე, სტატია მეექვსე: სინერჯის კაპიტალის პარტნიორები – სტერეოტიპის რღვევა, რომ ზარალიან კომპანიებს ფასი არ აქვს.
წინა სტატიის სანახავად ეწვიეთ ბმულს.
ზარალიანი კომპანიის ყიდვა, თუ რა თქმა უნდა დეტალურად გაქვს შესწავლილი ზარალის გამომწვევი მიზეზები და ზუსტად იცი რა უნდა გააკეთო, კომპანია რომ მომგებიანი გახადო, ყველაზე სწორი ინვესტიციაა “სინერჯის კაპიტალის პარტნიორებისთვის” და მსგავსი ტიპის კომპანიებისთვისაც ალბათ. ის რასაც ჩვენ ვაკეთებთ, ჩვენს პარტნიორებთან ერთად ვყიდულობთ ორგანიზაციებს, ვცდილობთ გავუზარდოთ მათ ღირებულება, ახალ-ახალი ადამიანები მოვიწვიოთ ამ ორგანიზაციებში ინვესტიციების გასაკეთებლად, და საბოლოოდ თითოეული მათგანისთვის ეს ინვესტიცია ძალიან მომგებიანი უნდა გავხადოთ. ამ საქმისთვის სწორი, ხშირ შემთხვევაში სწორედ ზარალიანი კომპანიების პოვნა, შეფასება, შერჩევა საბოლოო წარმატების განმსაზღვრელი ერთ-ერთი მნიშვნელოვანი ფაქტორია.
ორგანიზაცია ყველაზე კარგი აქტივია, რომელსაც შეიძლება ადამიანი ფლობდეს, ვინაიდან, ის ერთადერთი პროდუქტია, რომელსაც შეუძლია თვითონ გაუზარდოს თავის თავს ღირებულება და თანაც 2-ჯერ, 5-ჯერ, 10-ჯერ, 100-ჯერ და მეტადაც. ამას ისიც ემატება, რომ იყო მონაწილე წარმატებული, სხვებისთვის ბევრი სარგებლის მომტანი საქმის, თავისთავადაც დიდი სიამოვნებაა. ამ საკითხზე რამდენადაც ცალკე სტატია გვაქვს დაწერილი (იდეალური აქტივი), საუბარს დეტალურად აღარ გავაგრძელებთ, მაგრამ რა უპირატესობა აქვს სწორედ ზარალიანი კომპანიების წილში შესვლას, ეს საკითხი შესაძლოა ბევრი დაინტერესებული ადამიანისთვის აღმოჩნდეს საინტერესო. სტატია სრულად »
ბევრი სიხარული ღმერთის საჩუქრებისთვის ანუ როგორი იქნება სასტუმროების ჩვენი ოპერატორი კომპანია
2 ივლისი, 2018 | 0 კომენტარი »
ისტორია მეხუთე, სტატია პირველი: “ბარბარესთან” და “სინერჯის კაპიტალის პარტნიორებმა” სასტუმროების ოპერატორი კომპანია დავაფუძნეთ.
რაც მეტ სიხარულს და ბედნიერებას ვანიჭებთ სხვას, მით უფრო დიდ სიხარულს და ბედნიერებას განვიცდით ჩვენც. ბედნიერ ადამიანებს საოცრებების მოხდენა შეუძლიათ და თანაც არა ერთხელ ცხოვრებაში, არამედ ყოველ წუთს, უწყვეტად შეუძლიათ ულევად მოიფიქრონ და გააკეთონ ისეთი რაღაცები, რაც გაგვაოცებს და გვაფიქრებინებს – ნუთუ ესეთი რამე შესაძლებელია. თუ შენ ბედნიერების და სიხარულის მანქანას ქმნი, ორგანიზაციას, რომელმაც სხვებს ულევი სიხარული უნდა მოუტანოს, უნდა იპოვო ადამიანები, ვისაც ამ საქმის კეთებით სიამოვნების მიღება შეუძლია და შეუქმნა გარემო, სადაც ბედნიერები იქნებიან და საოცრებების ზღვაც აუცილებლად აღელდება.
დაახლოებით ერთი თვის წინ “ქართულმა ოჯახმა” (რესტორანი “ბარბარესთან”) და “სინერჯის კაპიტალის პარტნიორებმა” ერთობლივი კომპანია დავაფუძნეთ, რომლის ფუნქციაც სამვარსკვლავიანი სასტუმროების ოპერირება იქნება. ამ სტატიაში გვინდა იმ კონცეფციაზე მოგითხროთ, რომელსაც ჩვენ ერთობლივად უკვე წელიწადზე მეტია ვამუშავებთ და რომლის განხორციელებაც დაიწყო ამ რეგისტრაციით. გვინდა გაგიზიაროთ ჩვენი ხედვები მიზნებზე, წინაპირობებზე, მიდგომებზე როგორ და როდის ვაპირებთ რა თანმიმდევრობით ვიმოქმედოთ. ასევე გვსურს ჩვენს კომპანიაში შემოსვლა შემოგთავაზოთ ყველა დაინტერესებულს. სტატია სრულად »
სინერჯის ახალი სიცოცხლე
25 ივნისი, 2018 | 0 კომენტარი »
თითქმის 20 წელია უკვე, რაც სინერჯი ჯგუფი არსებობს. ბანკების მმართველობითი კონსალტინგით დაწყებული საქმე 5-6 წელიწადში სადაზღვევო, ფარმაცევტული, დეველოპერული და სხვა ბევრ ინდუსტრიაში მოქმედი კომპანიების სტრატეგიულ კონსალტინგად იქცა. 2006 წლიდან სახელმწიფო პროექტების კეთება დავიწყეთ, 2008 წლის კრიზისის შემდეგ მთელი კონცენტრაცია ორგანიზაციული სტრუქტურების კეთებაზე გადავიტანეთ და დღემდე ისე მოვედით, რომ 300-ზე მეტი პროექტი გვაქვს 100-ზე მეტ ორგანიზაციაში განხორციელებული. 100 ყველაზე დიდი ორგანიზაციიდან საქართველოში ალბათ მინიმუმ 70%-თან მაინც გვიმუშავია და მათ მენეჯმენტთან ერთად ვცდილობდით მათ განვითარებაში ჩვენც შეგვეტანა წვლილი.
ორი წელია, რაც საკონსულტაციო პროექტებს მართვის პროექტებიც დავამატეთ. დავიწყეთ ორგანიზაციების მართვაში შესვლა და ახლა ამ ფორმით ვცდილობთ დამატებითი სარგებელი და ღირებულება შევქმნათ. ამ წლების განმავლობაში სულ ვცდილობდით, არ გავჩერებულიყავით ერთ ადგილზე, გვესწავლა და გვემუშავა ისე, რომ რეპუტაციაც და პროფესიონალიზმიც სულ უფრო აგვემაღლებინა. დაარსებიდან ათი წლის შემდეგ სტრუქტურებზე კონცენტრაცია გახდა ჩვენი მნიშვნელოვანი არჩევანი. კიდევ ათი წლის შემდეგ კი ბევრად მეტი, ბევრად რთული და ბევრად მნიშვნელოვანი ცვლილებები ხდება ჩვენთან. სწორედ ამ ცვლილებებზე მინდა ამ სტატიაში მოგითხროთ. სტატია სრულად »
მადლობა, თქვენ ბედნიერი მომავალი შეიძინეთ
18 ივნისი, 2018 | 0 კომენტარი »
ისტორია მეორე, სტატია მეხუთე: სინერჯის კაპიტალის პარტნიორები – ბედნიერი მომავალი.
წინა სტატიის სანახავად ეწვიეთ ბმულს.
დღეს 8000 მოსავლის მეორე ფილიალი გაიხსნა ვაკეში. იდეა, რომელიც სულ სამიოდე წლის წინ მხოლოდ რამდენიმე ადამიანის ოცნებაში არსებობდა დღეს ქსელურ ორგანიზაციად იქცა. მას შემდეგ რაც მესამე მაღაზია გაიხსნება, ახლა უკვე ევროპაში, საერთაშორისო ქსელური ორგანიზაცია გახდება, რომელიც მისი დანიშნულების განხორციელებას მსოფლიოს მასშტაბით დაიწყებს და მერე ორგანიზაცია გაათმაგებული სიჩქარით გააგრძელებს ზრდას. ამ თვეების განმავლობაში, რაც ეს ორგანიზაცია არსებობს, არც ერთი თვის შედეგი არ ყოფილა წინა თვეზე ნაკლები. დღეს ის რამდენიმე ათას ბოთლ ღვინოს ყიდის ყოველ თვე, სიხარულს ანიჭებს ათასობით მომხმარებელს და 150-მდე მეღვინეს იმედით ავსებს და ძალებს აძლევს მეტი მონდომებით გააკეთონ საყვარელი საქმე.
რაც შეიძლება მეტ ადამიანს (როგორც საქართველოში, ისე მსოფლიოში) გააცნოს და შეაყვაროს ქართული ღვინო, არის დანიშნულება, რომლის განხორციელებაც ამ ორგანიზაციამ პირველივე დღიდან დაიწყო. სტატია სრულად »
ახალი კალაპოტი – თბილისის ზღვის ჰოსპიტალში პირველ სამ თვეში განხორციელებული სტრუქტურული ცვლილებები
11 ივნისი, 2018 | 0 კომენტარი »
ისტორია მესამე სტატია მეორე – სინერჯი ჯგუფი თბილისის ზღვის ჰოსპიტალის მართვაში შევიდა.
წინა სტატიის სანახავად ეწვიეთ ბმულს.
როდესაც ორგანიზაციის დანიშნულება და სტრატეგია ძალიან კარგად გესმის, ხვდები საით უნდა იარო, სად უნდა მიხვიდე, მიზანი მოსვენებას არ გაძლევს და გაიძულებს ყოველდღე რაღაცა შეცვალო იმისთვის, რომ იქამდე კიდევ რამდენიმე ნაბიჯი გადადგა. ასეთ დროს თვითონ ნაბიჯების შინაარსს და თანმიმდევრობას განსაკუთრებული მნიშვნელობა ენიჭება. რაც უფრო რთულად მიღწევადია მიზანი, მით უფრო დიდია იმის აუცილებლობა, რომ ყველა წინა ნაბიჯმა შემდეგის გადადგმა გააადვილოს. სწორი სტრუქტურული ცვლილებები სტრატეგიის განხორციელების მთავარი და პირველი ნაბიჯია, რომელიც თანამშრომლების უნარებს, ცოდნას, ყურადღებას კალაპოტს და მიმართულებას უცვლის და ახალი სტრატეგიის სამსახურში აყენებს.
ერთი წელი გავიდა მას შემდეგ, რაც სინერჯი ჯგუფი თბილისის ზღვის ჰოსპიტალის მართვაში შევიდა. ორგანიზაციაში, რომელსაც უნდა და შეუძლია უბნის სამაგალითო საავადმყოფო გახდეს. ამისთვის მან უნდა მოახერხოს, გააცნოს თავი იმ დაახლოებით 150 000 მოსახლეს, ვისთვისაც მუშაობს, მათი ნდობა მოიპოვოს და მათთვის საჭირო სერვისების შეთავაზება და განვითარება დაიწყოს. ამ სტატიაში გვინდა მოგიყვეთ იმ ძირითადი სტრუქტურული გადაწყვეტილებების შესახებ, რომელიც პირველ სამ თვეში ორგანიზაციის მენეჯმენტთან და დამფუძნებლებთან ერთად მივიღეთ. როგორი იყო მათი განხორციელების წინაპირობები და მიზეზები და ის პირველი ნიშნები, რაც ამ ცვლილებებმა მოგვცეს. სტატია სრულად »
იდეალური აქტივი
4 ივნისი, 2018 | 0 კომენტარი »
არიან ადამიანები, ვისაც აწუხებთ კითხვა, როგორ უზრუნველვყო ჩემი მომავალი კეთილდღეობა, როგორ უზრუნველვყო ჩემი ოჯახი ფინანსურად, მე რომ არ ვიყო ან მუშაობა ვერ შევძლო, ან როცა ვეღარ ვიმუშავებ, რა იქნება ჩემი ოჯახის არსებობის წყარო. რა დავუტოვო ჩემს შვილებს, რაც მათ ყველაზე მეტად გამოადგებათ, მათ შორის იმისთვის, რომ საუკეთესო განათლება მიიღონ და აკეთონ ის, რაც ყველაზე მეტად გაეხარდებათ, რა გავაკეთო სანამ მუშაობა, ფიქრი და მოქმედება შემიძლია ამისთვის.
ბევრი მათგანი ხვდება, რომ ძვირფასეულობა, ბინა, მიწა, ან სხვა უძრავი თუ მოძრავი ქონება, ანაბარი ბანკში, უფრო იმის საშუალებაა, რომ ფული შეინახო იმდენი რამდენიც გაქვს იმისთვის, რომ მერე საჭიროების შემთხვევაში გაიყიდოს და გაიხარჯოს. არცერთი არ არის მათ შორის ისეთი, რომელსაც შეუძლია მზარდი კეთილდღეობის წყარო გახდეს, საგრძნობი, ცხოვრებისთვის საკმარისი შემოსავალი მოგვიტანოს, თან ისე, რომ არ შემცირდეს ღირებულებაში, არ გაიხარჯოს. სტატია სრულად »
მომგებიანი ორგანიზაციული სტრუქტურები
30 მაისი, 2018 | 0 კომენტარი »
ორგანიზაციული სტრუქტურა არა მხოლოდ მართვის სისტემის მნიშვნელოვანი ნაწილი და მთავარი ინსტრუმენტია, არამედ სწორად მოწყობილ სტრუქტურას შეუძლია კომპანიის მომგებიანობის მნიშვნელოვანი ზრდა, მომგებიანი საქმიანობის სტიმულირება, მომგებიანობის ანალიზისა და პროგნოზირების ცოდნების დაგროვება, მომგებიანობის ზრდის შესაძლებლობების სისტემური ძიებისა და გამოვლენის უწყვეტი პროცესის უზრუნველყოფა და შემდგომ უკვე გაზრდილი მომგებიანობით მიღებული სიკეთის სწორად გამოყენება კიდევ უფრო მეტი მოგების მისაღებად.
სტრუქტურული ცვლილებები ხშირად აღიქმება, როგორც ხარჯების ზრდისა და დამატებითი ინვესტიციების განხორციელების გარდაუვალი პროცესი. ალბათ, ამიტომაც გაურბიან ხელმძღვანელები სტრუქტურის რეორგანიზაციის პროცესის წამოწყებას, რომ ამან დარტყმა არ მიაყენოს მომგებიანობას და ურჩევნიათ არსებული სისტემებით ეცადონ გაამართლონ კომპანიის ჯამურ შედეგებზე აღებული პასუხისმგებლობა დამფუძნებლების წინაშე. სტატია სრულად »
სამსახური მათთვის, ვინც სამსახურს არ ეძებს
28 მაისი, 2018 | 0 კომენტარი »
ისტორია მეოთხე სტატია პირველი – როგორ დავეხმაროთ კარიერის განვითარებაში მათ, ვინც სამსახურს არ ეძებს.
ვართ ადამიანები, და არც თუ ისე ცოტა, ვისაც ძალიან მოგვწონს ის საქმე, რომელსაც ვაკეთებთ, ორგანიზაციაც და პოზიციაც მისაღებია იმდენად, რომ სხვა სამსახურის ძებნა აქტიურად არ გვინდა დავიწყოთ. კოლეგებსაც მიჩვეულები ვართ უკვე და მოგვწონს მათთან მუშაობა, მათ ნაწილთან უკვე პირადი მეგობრობაც გვაკავშირებს და მათთან ყოველდღიური ურთიერთობა ჩვენთვის ამ სამსახურის პლიუსების ნაწილი გახდა. იქამდე არ მივსულვართ, რომ რეზიუმის აქტიური დაგზავნა დავიწყოთ ახალი სამსახურის მოსაძებნად, და მუშაობის პარალელურად, ყოველი შემთხვევისთვის, რა იცი რა გამოჩნდეს მიზნით რომ ვაკანსიები ვაკონტროლოთ ვერც ამისთვის ვიცლით.
თუმცა, გარკვეულ რისკებს თითოეული ჩვენგანი მაინც ვგრძნობთ, რა იქნება ხვალ, არსებული უშუალო ხელმძღვანელი რომ შეიცვალოს, ან ამასთან რომ გართულდეს ურთიერთობა, ორგანიზაციამ რომ კადრების შემცირება დაიწყოს, ან უბრალოდ მივხვდეთ, რომ ამ სამსახურში ვერ ვახერხებთ ყველაზე მთავარს, განვითარებას. ეს იმას ნიშნავს, რომ შესაძლოა დავკარგოთ დრო, ჩვენი ფასი დასაქმების ბაზარზე სულ უფრო შემცირდეს და რაც დრო გავა, ნებისმიერი მიზეზით სამსახურის მოძებნა რომ დამჭირდეს რამდენად ადვილად მოვახერხებ ამას? ბევრ ჩვენგანს ეს კითხვები შიგადაშიგ გვახსენებს თავს. სტატია სრულად »
როგორები უნდა ვიყოთ ჩვენ იმისთვის, რომ ჩვენი დანიშნულება შევასრულოთ
21 მაისი, 2018 | 0 კომენტარი »
ისტორია მეორე სტატია მეოთხე – “სინერჯის კაპიტალის პარტნიორების” მთავარი პრინციპები და ფასეულობები.
წინა სტატიის სანახავად ეწვიეთ ბმულს.
ჩვენც კარგად ვიცით, რომ ისევე როგორც ყველა შენობას სჭირდება საძირკველი, რომელსაც დაეფუძნება, ყველა ორგანიზაციას სჭირდება პრინციპები, ფასეულობები და ფილოსოფია, რომელიც მისი ყველა თანამშრომლის სამუდამო წარმმართველი გახდება ყოველდღიურ ცხოვრებაში, მოქმედებებში და გადაწყვეტილებების მიღებისას. ორგანიზაციების უდიდეს ნაწილში ეს საფუძვლები ლიდერების პიროვნული თვისებების და ფასეულობების მიხედვით იქმნება და მერე რთულად, მაგრამ მაინც იცვლება ახალი ლიდერების გაჩენისას. იქ, სადაც ეს ფილოსოფია გააზრებული და დეკლარირებულია მისიიდან გამომდინარე და მენეჯმენტი ყველაფერს აკეთებს მათი დამკვიდრებისთვის, იქ ის სამუდამოდ მუშაობს, სანამ ისევ დანიშნულებიდან გამომდინარე არ გახდება მისი შეცვლა საჭირო.
სწორედ ამიტომ, ჩვენც გადავწყვიტეთ დეკლარირება გავუკეთოთ ყველა პრინციპს, რომელთა დაცვაც ჩვენთვის და ჩვენი შემდეგი თაობის თანამშრომლებისთვის ერთნაირად დასაცავი, დასამკვიდრებელი და განსავითარებელი იქნება. ამ სტატიაში სწორედ ამ გადაწყვეტილებებს გვინდა მოვუყაროთ თავი, გამოვაცხადოთ და პასუხისმგებლობაც ავიღოთ იმაზე, რომ ყველაფერს გავაკეთებთ “სინერჯის კაპიტალის პარტნიორებში” მათ დასამკვიდრებლად. სტატია სრულად »
ჩვენ უბნის სამაგალითო საავადმყოფოს შექმნაში ჩავერთეთ
14 მაისი, 2018 | 0 კომენტარი »
ისტორია მესამე, სტატია პირველი – სინერჯი ჯგუფი “თბილისის ზღვის ჰოსპიტალის” მართვაში შევიდა
როგორი რთულიც არ უნდა იყოს ორგანიზაციის მდგომარეობა, საკმარისია მენეჯმენტმა მისი დანიშნულების გააზრება დაიწყოს და ყურადღება და ძალისხმევა ისეთი შიდა ცვლილებების განხორციელებაზე მიმართოს, რაც მას ამ დანიშნულების უკეთ განხორციელებაში დაეხმარება, რომ ყველაფერი გარეთაც ეგრევე მოწესრიგებას იწყებს. ისეთი შესაძლებლობები ჩნდება, ისეთ მხარდამჭერებს და გულშემატკივრებს აღმოვაჩენთ როგორც გარეთ, ისე შიგნით, რომ ვხვდებით მათთან ერთად ყველა პრობლემის გადალახვა და ყველა მიზნის მიღწევა შეიძლება.
მომავლის ლიდერი ორგანიზაციები
7 მაისი, 2018 | 0 კომენტარი »
ისტორია მეორე სტატია მესამე – “სინერჯის კაპიტალის პარტნიორების” მოქმედების სტრატეგია
წინა სტატიის სანახავად ეწვიეთ ბმულს.
20 წლის წინ, მაშინ როდესაც სინერჯი ჯგუფი იქმნებოდა კორპორატიულ სამყაროში ისეთი ორგანიზაციები დომინირებდნენ, რომელთა დიდი ნაწილი დღეს ან საერთოდ აღარ არსებობს ან მათი არსებობა არ ახსოვს არავის. დღევანდელი ლიდერი ორგანიზაციების უდიდესი ნაწილი მაშინ ან არ არსებობდა საერთოდ ან თუ არსებობდა, ცოტა ვინმე თუ იცნობდა მათ და ცოტა ვინმე თუ ხედავდა მათში მომავალ ლიდერებს. დიდია ალბათობა იმის, რომ 10-15-20 წლის შემდეგ ისეთი ორგანიზაციები იქნებიან წამყვანი, რომელთა ნაწილი მომავალში შეიქმნება ან ახლაც არსებობს, მაგრამ მათში პოტენციალის დანახვას სპეციალური გამადიდებელი შუშები სჭირდება.
ჩვენ გვინდა ეს კომპანიები ვიპოვოთ, გავიცნოთ, დავუმეგობრდეთ და დავეხმაროთ იმაში, რომ უფრო დიდები, უფრო კარგები გახდნენ უფრო სწრაფად და ადვილად, ვიდრე ამას ჩვენნაირი პარტნიორის გარეშე შეძლებენ. ჩვენ გვჯერა, რომ ისინიც მოგვძებნიან და გვიპოვიან ისევე როგორც დღევანდელი ლიდერების დიდმა ნაწილმა მოახერხა ეს. არ ვამბობთ, რომ ჩვენი მონაწილეობა დიდია იმაში, რასაც მათ მიაღწიეს, მაგრამ ცალსახაა, უკვე ის ფაქტი, რომ მოგვძებნეს, მოგვისმინეს, გვემუშავნენ, მათ პროგრესულობაზე, ზრდისა და განვითარებისკენ სწრაფვაზე მეტყველებს. ეს მათი საქმიანობის ყველა მიმართულებაზე აისახა და იმიტომაც მიაღწიეს ყველაფერს, რასაც მიაღწიეს. სტატია სრულად »
გაყიდვის სტიმულირება, სადაც გაყიდვა არ არის მთავარი მიზანი
30 აპრილი, 2018 | 1 კომენტარი »
სახალხო აფთიაქის მართვაში შესვლა: ისტორია პირველი, სტატია მეთორმეტე – როგორ ვყიდით ჩვენ
წინა სტატიის სანახავად ეწვიეთ ბმულს.
გაყიდვების სტიმულირების ამოცანის მთავარი გასაღები ჩვენ ასე გვესმის, რომ მივხვდეთ ვინ არიან ის ადამიანები, ვისაც ყველაზე მეტად სჭირდებათ ჩვენი პროდუქტები, მივაწოდოთ ამ პროდუქტებზე კვალიფიციური ინფორმაცია სანდო არხებით და ამით დავეხმაროთ მათ სწორი გადაწყვეტილების მიღებაში. ეს მიდგომა საშუალებას გვაძლევს უფრო მყარი, ნდობაზე დაფუძნებული, გრძელვადიანი ურთიერთობები ავაწყოთ მომხმარებლებთან. ამ ამოცანის გადაწყვეტის ჩვენი გზაც სახალხო აფთიაქში ამ კონცეფციას ეფუძნება.
ამ სტატიაში მოგიყვებით ამ გზებზე, უკვე გადადგმულ ნაბიჯებზე და ამ დროისთვის მიღებულ შედეგებზე.
2018 წელს ტოპ პრიორიტეტის ამოცანა გახდა ჩვენი ექსკლუზიური პროდუქტების გაყიდვების სტიმულირება იმისთვის, რომ მომგებიანობა გაგვეზარდა, რაც სახალხოსთვის ამ წლის უმთავრესი მიზანია. ეს ნიშნავს, რომ ამ პროდუქტებზე უნდა შეგვექმნა მოთხოვნა, რადიკალურად და მასიურად გაგვეზარდა იმ ადამიანების რიცხვი, ვინც ამ პროდუქტების შეძენით დაინტერესდებოდნენ. სტატია სრულად »
სახალხო აფთიაქის ფინანსური მხარდაჭერის და განვითარების ფონდი
23 აპრილი, 2018 | 0 კომენტარი »
ისტორია პირველი, სტატია მეთერთმეტე, ასევე ისტორია მეორე, სტატია მეორე – “სინერჯის კაპიტალის პარტნიორები” ახალ ქვეფონდს, სახალხო აფთიაქის მხარდაჭერის და განვითარების ფონდს ქმნის
წინა სტატიების სანახავად ეწვიეთ – ისტორია პირველი; ისტორია მეორე.
ცნობილია, რომ სისხლი იმდენი უნდა ჰქონდეს ორგანიზმს, რამდენიც სჭირდება. არც იმაზე მეტი არ არის კარგი და არც ნაკლები. სისხლი ორგანიზმის სიცოცხლისუნარიანობის ერთ-ერთი მთავარი ფაქტორია. ის გვაძლევს საშუალებას, ყველა ძირითადი პროცესი ორგანიზმში გამართულად, შეუფერხებლად მიდიოდეს, ჟანგბადი და სხვა აუცილებელი რესურსი მთელ სხეულს, მის ყველა უჯრედს უწყვეტად მიეწოდებოდეს. ჯანმრთელ ორგანიზმს, შეიძლება ისე განვითარდეს, გაიზარდოს, დამატებითი სისხლი არასოდეს დასჭირდეს, თუმცა თითქმის ყველას, ცხოვრების რაღაც ეტაპზე, ერთხელ მაინც შეიძლება დასჭირდეს ახალი, დამატებული სისხლი.